Oralda mektep-lıtseı jańa ǵımaratqa kóshti
ORAL. QazAqparat – Oral qalasynda tuńǵysh Prezıdent kúnine oraı 900 oryndyq jańa mektep ǵımaraty paıdalanýǵa berildi, dep habarlaıdy QazAqparat tilshisi.
Ə.Moldaǵulova atyndaǵy №38 mektep-lıtseı oqýshylary osy kezge deıin qala ortalyǵyndaǵy 1881 jyly salynǵan eski ǵımaratta oqyp kelgen edi.
Endi shəkirtter Zachagan kentinde jańadan salynǵan zamanaýı ǵımaratta bilim alatyn bolady.
Jańa mektep ǵımaratynyń ashylý rəsimine qatysqan oblys əkimi Ǵalı Esqalıevtiń atap ótkenindeı, memleket tarapynan bilim salasyna udaıy qoldaý kórsetilip keledi.
«Qazaqstannyń tuńǵysh Prezıdenti Nursultan Əbishuly Nazarbaev elimiz təýelsizdik alǵannan bastap-aq bilim men ǵylym salasyn damytýǵa aıryqsha mańyz berdi. Jas urpaqtyń tolyqqandy bilim alýy úshin barlyq jaǵdaı jasalyp otyr. Bıyl oblysta alty mektep salynyp jatsa, 27 mektepte kúrdeli jóndeý jumystary júrgizilýde. Jańa mektep sonymen qatar halyq tyǵyz ornalasqan osy Zachagan kentindegi №47 jəne №10 úsh aýysymdyq mektepterdiń məselesin sheshýge de septigin tıgizedi», dedi óńir basshysy.
Jańa mektepte Smart kabınetter, robototehnıka, tehnologııa jəne óner, bıollogııa jəne hımııa kabınetteri, ınteraktıvti jəne tsıfrlyq zerthanalar ornalasqan. Munyń bəri oqýshylardyń zaman aǵymynan qalmaı, jańashyldyqpen bilim alýyna múmkindik beredi.
