Oralda mektep qabyrǵasyndaǵy kirpishter qulap jatyr

ORAL. KAZINFORM – Oral qalasynda mektep qabyrǵasyn qaptaǵan kirpishter qulap jatqanyna baılanysty aqparat tarady.

Instagram áleýmettik jelisinde jarııalanǵan beınejazbada ata-ana mekteptiń syrtyn qaptap turǵan kirpishtiń qulaýyna baılanysty alańdaýshylyq bildirgen. 

Posmotret etý pýblıkatsııý v Instagram

Pýblıkatsııa ot Jaloby Ýralska (@zhaloby_uralsk_)

- Balalarym № 4 orta mektepte oqıdy. Mekteptiń aınalasynda kirpish synyqtary qulap jatyr. Buǵan eshkim nazar aýdarmaı jatyr. Balalarymyzdyń qaýipsizdigi úshin qorqamyn, - dep jazdy ata-ana.

Mektep dırektory Janargúl Aımurzıevanyń aıtýynsha, aýa raıynyń qolaısyzdyǵyna, ıaǵnı dymqyl, syz tartyp turýyna baılanysty ylǵaldyń áserinen mektep syrtyndaǵy qaptama úgitilgen.

- Qazirgi tańda qaýipti jerler lentamen qorshalyp, belgilendi. Mektep ákimshiligi bala qaýipsizdigin basty nazarda ustaıdy. Aldaǵy ýaqytta aǵymdaǵy jóndeý jumysy júrgiziletin bolady, - deıdi Janargúl Aımurzıeva.

Onyń sózine qaraǵanda, atalǵan mektep ǵımaraty 2017 jyly paıdalanýǵa berilgen. Merdigeri – «Altaır» JShS. 

Eske sala keteıik, budan buryn Oralda basyna kirpish qulaǵan er adamnyń kóz jumǵanyn jazǵan edik.