Oralda medkolledj jataqhanasyna sý kirdi
Zachagan kentiniń ákimi Aqqalı Áýbekerovtiń málim etkenindeı, Jáńgir han kóshesi 65/2 mekenjaıynda ornalasqan jataqhananyń 9 naýryz kúni saǵat 23.00 shamasynda káriz júıesinde aqaý bolyp, jertólege sý kirgen.
Onyń aıtýynsha, soǵan baılanysty ǵımarat elektr jelisinen ajyratyldy.
«Haırekesheva» JK-ǵa tıesili jataqhanada Batys Qazaqstan joǵary medıtsına kolledji men «Maqsat» joǵary medıtsınalyq kolledjinen barlyǵy 140 stýdent turady. Atalmysh jaǵdaıdan keıin stýdentter basqa mekenjaılarǵa, tanystary men jaqyndaryna jiberilgen.
«Mekeme qyzmetkerleri bastapqyda óz kúshterimen tańǵa deıin tazalaǵan. 10 naýryz kúni saǵat 11.00-de oqıǵa qaıtalanyp, kúni boıy jaǵdaıdy retteýmen aınalysqan. Zachagan kenti ákimdigine saǵat 19.00 shamasynda habarlasty. Sheshim qabyldanyp, 1 motopompa kómekke berildi, túni boıy sý sorý jumystary júrgizilip, 11 naýryz kúni tańǵy saǵat 06.00-de jaǵdaı retteldi. Túnde saǵat 02.00-de elektr jaryǵy qosyldy. Qazir sý alǵan bólmeler tazalanyp, dezınfektsııa jasalýda. Stýdentter jataqhanaǵa orala bastady», dedi QazAqparat tilshisine Aqqalı Úmbetqalıuly.
Eske sala keteıik, budan buryn Batys Qazaqstanda 138 eldi meken erekshe baqylaýǵa alynǵanyn jazǵan bolatynbyz.
Sondaı-aq Oral qalasynda sý kestemen beriledi.
Batys Qazaqstanda jaǵdaı kúrdelene tústi.