Oralda medıtsına qyzmetkeri 15-ten astam adamǵa jalǵan vaktsınatsııa pasportyn jasaǵan
Baspasóz qyzmetiniń málimetterine qaraǵanda, jasandy vaktsınatsııa pasporttaryn jáne PTR-testileý nátıjelerin daıyndaý jáne taratý úshin olardy jasaǵandarǵa da, tapsyrys berýshilerge de qylmystyq jaýapkershilik qarastyrylǵan.
Búgingi tańda Qarjylyq monıtorıng agenttigi vaktsınatsııa jalǵan pasporttaryn jasaý deregi boıynsha elimizdiń 13 óńirinde 26 sotqa deıingi tergeý isi bastaldy. 86 adamǵa qylmystyq jaýapkershilik júktelmek.
Qarjylyq monıtorıngi agenttiginiń Batys Qazaqstan oblysy boıynsha aýmaqtyq departamenti Oral qalasyndaǵy emhanalardyń biriniń qyzmetkerimen vaktsınatsııa pasporttaryn qoldan jasaýdyń kezekti deregin anyqtady.
Medıtsına qyzmetkeri aqshalaı syıaqy úshin adamdar tobymen aldyn ala sóz baılasý arqyly QR Densaýlyq saqtaý mınıstrliginiń «Vaktsınatsııa» elektrondyq modýlinde vaktsınatsııany alǵany týraly belgiler jýrnalyna kórineý jalǵan málimetter engizgen.
Osylaısha, 15-ten astam adamǵa COVID-19 koronavırýstyq ınfektsııasyna qarsy vaktsınalaýdyń jalǵan elektrondyq pasporttary berildi.
Tapsyrys berýshilerdiń negizgi bóligi – bul mektepke deıingi uıymdardyń jáne saýda salasynyń qyzmetkerleri.
Ózge aqparat tergeý múddesine oraı jarııa etilmeıdi.