Oralda medbıkege shabýyl jasaǵan kúdikti ustaldy
ORAL. QazAqparat - Oralda medbıkege shabýyl jasaǵan kúdikti ustaldy, dep habarlaıdy QazAqparat tilshisi.
Oqıǵa 19 qyrkúıek kúni boldy.
Qaladaǵy №6 emhana qyzmetkeri esepte turatyn emdelýshiniń úıine dári-dármek ákelgen. Sol kezde jas qyzǵa er adam shabýyl jasap, oǵan dene jaraqatyn salǵan. Sondaı-aq sómkesi men telefonyn tartyp áketken.
Oral qalasy ishki ister basqarmasy bastyǵynyń birinshi orynbasary Nurlan Bısenovtiń aıtýynsha, habar sol kúni saǵat 14.00-de túsken.
Kúdikti oqıǵa ornynan boı tasalaǵanymen, kóp uzamaı qolǵa túsken. Tartyp alǵan zattary tárkilendi.
Qazirgi kezde kúdiktige eshqaıda ketpeý týraly qolhat berilip, QR QK 191-baby 2-bóligi (kisi tonaý) boıynsha sotqa deıingi tergeý amaldary júrgizilýde.
