Oralda mas júrgizýshi aıdaǵan kólik kópirden ushyp ketti
ORAL. QazAqparat – Oralda mas júrgizýshi aıdaǵan avtokólik jol apatynan keıin kópirden qulap ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 22 naýryz kúni keshkisin qala aýmaǵyndaǵy Samara-Shymkent joly boıyndaǵy kópirde bolǵan.
Terekti aýdany Podstepnyı aýyly baǵytynda 1953jylǵy júrgizýshi «Audi A6» avtokóligimen qatty jyldamdyqpen kelip, aldynda ketip bara jatqan «Volkswagen Passat» avtokóligin soqqan.
«Audi A6» avtokóligi qarsy betke shyǵyp ketip, temir qorshaýdy buzyp ótip, kópirden aýdarylyp túsken.
Túrli jaraqat alǵan «Audi A6»-diń júrgizýshisi oblystyq kópbeıindi aýrýhananyń jansaqtaý bólimine jatqyzyldy. Onyń kólikti mas kúıinde júrgizgeni anyqtaldy.
Oblystyq densaýlyq saqtaý basqarmasy atalǵan júrgizýshiniń oblystyq aýrýhanada jatqandyǵyn rastady.
Eske sala keteıik, budan buryn Oralda avtokóliktiń qorshaýǵa ilinip qalǵanyn jazǵan bolatynbyz.
