Oralda mas jigit polıtsııa qyzmetkerin pyshaqpen jaraqattady
ORAL. QazAqparat – Oralda er adam mas kúıinde polıtsııa qyzmetkerin pyshaqpen jaraqattaǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 10 naýryz kúni boldy.
Saǵat 02.53-te jergilikti áıel mas kúıeýiniń buzaqylyq jasap jatqanyn 102 telefonyna habarlaǵan.
Oqıǵa ornyna ýchaskelik polıtsııa ınspektory, polıtsııa aǵa leıtenanty Qaırat Tursynǵalıev jetken. 1983 jylǵy er adamdy ustaý kezinde ol qarsylyq kórsetip, asúı pyshaǵymen polıtsııa qyzmetkeriniń ıyq tusynan jaraqattaǵan. Soǵan qaramastan, qolǵa túsken er adam saraptama qorytyndysyna sáıkes jeńil dárejeli mas bolǵan.
Qazirgi kezde QR QK 380-baby 1-bóligine (bılik ókiline qatysty kúsh qoldaný) sáıkes tergeý amaldary júrgizilýde.
Eske sala keteıik, budan buryn Oralda kisi tonap, 44,5 mln astam teńgeni jymqyryp ketkender ustalǵanyn jazǵan bolatynbyz.
