Oralda mas kúıinde jol apatyn jasaǵan polıtseı qyzmetinen qýyldy
ORAL. QazAqparat – Oralda mas kúıinde jol apatyn jasaǵan polıtseı qyzmetinen qýyldy. Bul týraly BQO polıtsııa departamentiniń baspasóz qyzmeti málim etti, dep habarlaıdy QazAqparat tilshisi.
BQO polıtsııa departamenti tártiptik komıssııasynyń 21 maýsymdaǵy sheshimimen teris is-qylyq jasaǵany úshin Abaı polıtsııa bólimi jergilikti polıtsııa qyzmeti bóliminiń bastyǵy Berik Ibrashev ishki ister organdarynan bosatyldy. Onyń tikeleı basshylary da qatań tártiptik jaýapkershilik tartyldy.
Sondaı-aq Oral qalasy mamandandyrylǵan ákimshilik sotynyń 21 maýsymdaǵy qaýlysymen QR Ákimshilik quqyqbuzýshylyq kodeksi 608-baby 3-bóligine sáıkes B.Ibrashev jeti jylǵa kólik quralyn basqarý quqyǵynan aıyryldy.
Eske sala keteıik, budan buryn Oralda polıtsııa qyzmetkeriniń mas kúıinde jol apatyna ushyraǵanyn jáne onyń isi sotta qaralǵanyn jazǵan bolatynbyz.
