Oralda mas kúıinde avtokólik aıdaǵan 278 júrgizýshi jaýapqa tartyldy
ORAL. QazAqparat - Oral qalasy mamandandyrylǵan ákimshilik soty jyl basynan beri avtokólikti mas kúıinde aıdaǵan 278 júrgizýshini jaýapqa tartty, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, jol erejesin óreskel buzǵan olardyń árqaısysy QR Ákimshilik quqyq buzýshylyq kodeksiniń 608-babyna sáıkes jazalandy. Sonyń ishinde 12-si qamaýǵa alynsa, 266 júrgizýshi 3 jyldan 5 jylǵa deıin kólik quralyn basqarý quqyǵynan aıyryldy.
Aıta keteıik, avtokólik rýline mas kúıinde otyrǵandardyń jol-kólik oqıǵasyn jasap, ózgelerdiń ómirine qaýip tóndiretini jasyryn emes.
