Oralda mas adam júrgizýshini tapanshamen qorqytqan
ORAL. KAZINFORM — Oral qalasynda polıtsııa qyzmetkerleri tapanshamen júrgen mas júrgizýshini ustady.
BQO polıtsııa departamentiniń baspasóz qyzmetinen málim etkenindeı, er adam ekinshi júrgizýshige sıgnaldyq tapanshamen qaýip tóndirgen.
Janjal jol qozǵalysy erejelerin saqtamaý saldarynan týyndaǵan. Júrgizýshilerdiń biri qarýdy alyp, ekinshisine kezegen. Jábirlenýshi bul týraly polıtsııaǵa habarlady.
— Júrgizýshi mas kúıinde boı tasalaýǵa tyrysty. Polıtsııa qyzmetkerleri tez áreket etip, Zachagan kentinde kúdiktiniń kóligin qýyp jetip, tez arada toqtatty. Kólikten sıgnaldyq qarý tabyldy. Júrgizýshige qatysty qarýdy zańsyz saqtaǵany úshin qylmystyq is qozǵaldy jáne birneshe bap boıynsha ákimshilik óndiris bastaldy, — dep habarlady vedomstvodan.
Eske sala keteıik, budan buryn Oralda sotqa qurmetsizdik tanytqan polıtsııa qyzmetkeriniń jaýapqa tartylǵanyn jazǵan bolatynbyz.
Sondaı-aq, kútimsiz joldan zardap shekken Oral turǵyny zalaldy ákimdikten óndirdi.