Oralda mangalǵa tamaq pisirem dep kúıip qalǵan eki adam aýrýhanaǵa tústi
ORAL. QazAqparat – Oralda eki adam kúıik jaraqatyn alyp, aýrýhanaǵa tústi, dep habarlaıdy QazAqparat tilshisi.
BQO TJ departamenti zilzalalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıevtiń aıtýynsha, oqıǵa 24 naýryz kúni keshki saǵat 20.00-de bolǵan.
Jeke úı aýmaǵynda mangalda tamaq daıyndaý kezinde qaýipsizdik sharalary saqtalmaǵan (otty tutatýǵa benzın qoldanylǵan).
Sonyń saldarynan 1997 jylǵy jylǵy jigit qolynan 0,5 paıyz, 2000 jylǵy qyz denesinen 50 paıyz kúıik jaraqatyn alǵan. Ekeýi de oblystyq aýrýhanaǵa jetkizildi.
Oblystyq densaýlyq saqtaý basqarmasynyń naqtylaýynsha, qyz aýyr halde qalalyq kópbeıindi aýrýhananyń jansaqtaý bóliminde jatyr.
Eske sala keteıik, budan buryn Oralda mas júrgizýshi aıdaǵan kóliktiń kópirden ushyp ketkenin jazǵan bolatynbyz.
