Oralda manıak paıda bolǵany týraly aýdıojazba tarap jatyr
ASTANA. QazAqparat - Oralda manıaktyń paıda bolǵany jóninde messendjerler arqyly aýdıojazba taralyp jatyr, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, 12 qańtar kúni shamamen saǵat 09.00-de belgisiz bireý Vagonnyı týpık kóshesi 1-úıde ornalasqan "Ýral Snab" JShS ǵımaraty janynda 1979 jylǵy B. degen áıeldi kúsh kórsetemin dep qorqytqan.
Atalǵan derek boıynsha QR QK 115-babyna sáıkes (qorqytý) tergeý amaldary júrgizilýde.
Qazirgi kezde atalǵan kúdiktini anyqtaý jáne ustaý baǵytynda jedel izdestirý sharalary júrgizilýde.
Oblys aýmaǵynda basqa mundaı oqıǵa tirkelgen joq.
"Manıaktyń paıda bolǵany jóninde messendjerler arqyly taralyp jatqan aýdıojazba jalǵan" dep habarlady departamenttiń baspasóz qyzmetinen.
Sondaı-aq, BQO Polıtsııa departamenti QR Qylmystyq kodeksiniń 274-babyna saı, kórineý jalǵan aqparat taratqan adam qylmystyq jaýapkershilikke tartylatynyn eskertedi.
