Oralda M.Áýezov atyndaǵy teatr gastrolmen júr
ORAL. QazAqparat - Oralda M.Áýezov atyndaǵy Qazaq memlekettik akademııalyq drama teatrynyń gastroli bastaldy, dep habarlaıdy QazAqparat tilshisi.
Buǵan deıin oblys aýdandarynda birneshe spektakldi qoıyp úlgergen almatylyqtar qaladaǵy óner shymyldyǵyn H.Bókeeva atyndaǵy oblystyq qazaq drama teatrynda I.Vovnıankonyń shyǵarmasy boıynsha sahnalanǵan «Akterdi óltirgen kim?» krımınaldyq dramasymen ashty.
Spektakldiń qoıýshy-rejısseri - KSRO halyq ártisi, Qazaqstannyń Eńbek Eri, Memlekettik syılyqtardyń ıegeri Asanáli Áshimov. Qoıylymnyń taǵy bir rejısseri - S.Asqarov, aýdarǵan O.Qyıqymov.
Budan úsh jyl buryn premerasy bolǵan qoıylymda Ásel esimdi qyzǵa adam ólimine aıypty degen jala jabylady. Bul otty kóseýshilerdiń ishinde zań qyzmetkerleri de júredi. Degenmen basqa quqyq qorǵaý organdary qyzmetkerleriniń tabandylyǵy arqasynda Ásel aqtalyp shyǵady. ıAǵnı báribir zań ústemdik qurady.
Qoıylym sońynda BQO ákiminiń orynbasary Ǵabıdolla Ospanqulov M.Áýezov atyndaǵy teatr ujymyna rızashylyǵyn bildirdi. Teatr dırektory, Qazaqstannyń eńbek sińirgen qaıratkeri Ashat Maemırov mundaı óner saparynyń mańyzy zor, áseri de mol ekendigin aıtyp, H.Bókeeva atyndaǵy BQO teatryn aldaǵy kúzde Almatyǵa osyndaı gastrolmen kelip-ketýge shaqyrdy.
M.Áýezov atyndaǵy teatr 13 mamyrǵa deıin sozylatyn gastrol barysynda sondaı-aq «Aqtastaǵy Ahıko» (avtory Mádına Omarova, rejısseri, teatr dırektory Ashat Maemırov), «Syǵan serenadasy» (avtory Israıl Saparbaı, rejısseri Esmuhan Obaev, Tóleýbek Aralbaı), «Qoshtasqym kelmeıdi...» (avtory A.Volodın, aýdarǵan ári rejısseri A.Maemırov), «Tańsulý» (avtory Ǵarıfolla Esim, rejısseri Alma Kákisheva) jáne «Beıbarys sultan» (avtory Rahymjan Otarbaev, rejısseri ıÝrıı Hanınga-Beknazar) spektaklderin qoıady.
