Oralda lombardty tonaǵan kúdikti qamaýǵa alyndy
ORAL. QazAqparat - Oralda lombardqa qaraqshylyq shabýyl jasaǵan kúdikti qamaýǵa alyndy, dep habarlaıdy QazAqparat tilshisi.
Oral qalalyq ishki ister basqarmasy bastyǵynyń birinshi orynbasary Nurlan Bısenovtiń aıtýynsha, D.Qonaev atyndaǵy shaǵynaýdanda ornalasqan lombardqa kelgen 1984 jylǵy A. degen kúdikti sondaǵy qyzmetkerdi pyshaqpen qorqytyp, 105 myń teńgeni alyp ketken.
Kúdikti senbi kúni ustalyp, ýaqytsha oqshaýlaý ızolıatoryna qamaldy. Ol qamalǵanǵa deıin birneshe ret qaraqshylyq shabýyl jasap, qarjy tartyp alýmen aınalysqan.
«Qazirgi kezde QR QK 191-baby 2-bóligi boıynsha qylmystyq is qozǵalyp, A-ǵa tórt epızod boıynsha aıyp taǵylyp otyr. Tergeý amaldary júrgizilýde», - dedi «QazAqparat» tilshisine N.Bısenov.
Aıta keteıik, qaraqshylyq shabýyl beınekameraǵa túsip qalǵan.
