Oralda lıft shahtasyna qulap ketken 49 jastaǵy er adam qutqaryldy
ORAL. QazAqparat - Oralda lıft shahtasyna qulap ketken er adam qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 2 shilde kúni S.Esqalıev kóshesi 305-mekenjaıynda ornalasqan «Megastroı» saýda úıinde bolǵan.
Saǵat 15.07-de saýda úıiniń lıft shahtasyna adam qulap ketkeni jóninde habar tústi.
Oqıǵa ornyna shuǵyl jetken jedel qutqarý jasaǵynyń qutqarýshylary 1972 jylǵy M. esimdi turǵyndy alpınıstik quralmen alyp shyqty.
Jumys saǵat 15.54-te tolyqtaı aıaqtaldy.
Qutqarylǵan azamat jedel járdem qyzmetkerlerine berildi.
Eske sala keteıik, budan buryn BQO-da er adamnyń sýǵa batyp ketkenin jazǵan bolatynbyz.
