Oralda lıft shahtasy órtenip, 5 adam qutqaryldy
ORAL. QazAqparat - Búgin Oralda turǵyn úıde órt bolyp, 5 adam qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, saǵat 17.33-te Dostyq dańǵyly 226-úıdiń lıft shahtasynan qoqys janyp jatqany jóninde habar túsken.
Aýmaǵy 15 sharshy metrdi qamtyǵan órttiń saǵat 18.02-de beti qaıtyp, 18.39-da tolyqtaı sóndirilgen. Oǵan departamenttiń órt sóndirý jáne apattyq-qutqarý jumystary qyzmetinen 10 adam, 3 tehnıka jumyldyryldy.
Zardap shekkender joq. Oqıǵa ornynan 5 adam qutqarylsa, sonyń tórteýi - balalar. 50 adam shyǵarylǵan, sonyń 15-i - balalar.
Aldyn ala málimet boıynsha órt otpen abaı bolmaýdan shyqqan.
