Oralda Lexus avtokóligi qaǵyp ketken 25 jastaǵy qyz jansaqtaý bóliminde jatyr
ORAL. QazAqparat – Oralda Lexus 25 jastaǵy qyzdy qaǵyp ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa 16 sáýir kúni tańmen «Nan zaýyty» aıaldamasy mańynda boldy.
1964 jylǵy júrgizýshi Lexus avtokóligimen 1995 jyly jeltoqsanda týǵan qyzdy qaǵyp ketti.
Oblystyq densaýlyq saqtaý basqarmasy baspasóz qyzmetiniń naqtylaýynsha, jedel járdem brıgadasy saǵat 08.59-da jetti.
Qyz oblystyq kópbeıindi aýrýhanaǵa jetkizildi. Aýrýhana málimetine qaraǵanda, basynan jaraqat alǵan qyzdyń jaǵdaıy óte aýyr, jansaqtaý bóliminde jatyr.
Eske sala keteıik, budan buryn Oralda jol apatynan keıin 2 kishkentaı qyz balanyń aýrýhanaǵa jetkizilgenin jazǵan bolatynbyz.
