Oralda Land Cruiser jas qyzdy soǵyp ketti
ASTANA. QazAqparat - Senbi kúni keshki toǵyzdar shamasynda Oraldyń Eýrazııa dańǵylynda qaıǵyly jol apaty boldy, dep jazady «Moı GOROD» portaly.
Kópirdi betke alyp Eýrazııa dańǵylymen kele jatqan Toyota Land Cruiser avtomobıli «Batys Qazaqstan REK» AQ mańyna jetkende jas qyzdy basyp ketedi. Qyz oqıǵa ornynda jan tásilim etken. Jol apaty týraly tolyq málimet ázirge joq.
Bir belgili jaıt mynaý, qyzdyń denesi mashınadan birneshe metr jerde jatqan. Polıtsııa apat sebepterin tekserip jatyr.
