Oralda qyzdy zorlaǵan qaskóı ustaldy
ORAL. QazAqparat - Oralda 5517-áskerı bólim jaýyngerleri sýyq qarýanǵan qaskóıdi ustady, dep habarlaıdy «QazAqparat» tilshisi.
QR Ulttyq ulany «Batys» óńirlik qolbasshylyǵynyń baspasóz qyzmetinen túsken málimetke qaraǵanda, 7 qazan kúni shamamen saǵat 22.46-da quramynda Maksım Alekseev, Pavel Ivanov jáne Almasbek Amangeldiuly bar topqa jas qyz óziniń zorlanǵany jóninde habarlaǵan. Jábirlenýshiniń baǵyt silteýimen jedel izdestirý sharalary barysynda Popovıch kóshesi 7-mekenjaıynda ornalasqan «Talap» dárihana qoımasy mańynda jas adam qolǵa túsip, onyń qaltasynan pyshaq tabylǵan. Qyz ózin zorlaǵan adamdy tanyǵan.
Kúdikti Oral qalalyq ishki ister basqarmasynyń qyzmetkerlerine tapsyryldy.
Qyraǵylyq pen kásibılik kórsetkeni úshin atalǵan jaýyngerler áskerı bólim komandırimen yntalandyryldy.
