Oralda qyz zorlady degen kúdikpen 2 adam qamaýǵa alyndy
BQO polıtsııa departamentiniń resmı ókili Bolatbek Belgibekovtiń málim etkenindeı, qazirgi kezde QR QK 120-baby 2-bóligine (zorlaý) sáıkes sotqa deıingi tergeý amaldary júrgizilýde.
Onyń aıtýynsha, bıylǵy 8 tamyzda 26 jastaǵy qyz polıtsııaǵa júginip, ózin zorlap ketkeni jóninde aryz bergen.
Jábirlenýshiniń sózine qaraǵanda, «Indraıver» taksıine tapsyrys bergen kezde eki er adam kelgen. Eshteńege kúdiktenbegen ol kólikke mingennen keıin júrgizýshi baǵytty ózgertip, qala shetindegi qus fabrıkasy aýdanyna barǵan. Sol jerde qasyndaǵy jolaýshysy ekeýi kúsh kórsetip, qyzben jynystyq qatynasqa túsken.
«Jedel izdestirý is-sharalary barysynda Oral qalasynyń 1993 jáne 1995 jylǵy turǵyndary anyqtaldy. Іs boıynsha birqatar saraptamalar jasalyp, qajetti tergeý amaldary júrgizildi. Genomdyq saraptamanyń uzaq ýaqyt alatyny belgili. Kúni búgin qorytyndy alyndy, dáleldemeler jetkilikti. Soǵan sáıkes atalǵan qos turǵyn ýaqytsha ustaý ızolıatoryna qamaldy. Tolyq aqparat tergeý amaldary aıaqtalǵannan keıin beriletin bolady», dedi QazAqparat tilshisine B.Belgibekov.
Eske sala keteıik, budan buryn Batys Qazaqstanda jol apatynan 70 jastaǵy júrgizýshi qaza tapqanyn jazǵan bolatynbyz.