Oralda qysqy prezıdenttik kópsaıystan el chempıonaty ótti
ORAL. QazAqparat - Oralda Qazaqstannyń eńbek sińirgen jattyqtyrýshysy Aleksandr Korovındi eske alýǵa arnalǵan qysqy prezıdenttik kópsaıystan el chempıonaty márege jetti, dep habarlaıdy QazAqparat tilshisi.
Oblystyq dene shynyqtyrý jáne sport basqarmasynan túsken málimetke qaraǵanda, sonymen birge sporttyń osy túrinen QR ІІІ qysqy jastar oıyndary da ótkizildi.
Qysqy prezıdenttik kópsaıystan balalar-jasóspirimder sport mektepteri jáne joǵary sport sheberligi mektepteri arasyndaǵy el birinshiligine on komanda qatysty. Jastar oıyndaryna da on komanda keldi. Barlyǵy 143 sportshy baq synady.
Úsh kúndik saıystyń qorytyndysy boıynsha balalar-jasóspirimder sport mektepteri arasynda Batys Qazaqstan oblystyq mamandandyrylǵan olımpıada rezerviniń balalar-jasóspirimder mektebi aldyna jan salmady. Qostanaılyqtar ekinshi, qaraǵandylyqtar úshinshi orynǵa ıe boldy.
Joǵary sport sheberligi mektepteri arasynda soltústikqazaqstandyqtar úzdik atansa, qostanaılyqtar ekinshi orynnan kórindi.
BQO quramasynan 12-13 jastaǵylar arasynda Altynǵalı Tólepbergen úzdik úshtikti túıindese, 18-20 jas arasynda Lázzat Tólepbergenova sport sheberi ataǵynyń talaptaryn oryndady.
Prezıdenttik kópsaıystan qysqy jastar oıyndarynda komandalyq esepte soltústikqazaqstandyqtar top jardy. Qostanaılyqtar ekinshi, shyǵysqazaqstandyqtar úshinshi orynǵa kóterildi. BQO quramasy tórtinshi orynǵa taban tiredi.
Eske sala keteıik, budan buryn Oralda qysqy prezıdenttik kópsaıystan el chempıonaty ótken bolatyn.
