Oralda kúıeý balasy oq atqan qarııa aýrýhanada kóz jumdy
ORAL. QazAqparat - Oralda kúıeý balasy oq atyp, jaralaǵan er adam aýrýhanada qaıtys boldy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, 66 jastaǵy er adam qalalyq kópbeıindi aýrýhanada 24 mamyr kúni túngi saǵat 01.00-de qaıtty.
Oǵan aýrýhanaǵa túsken boıda alty saǵatqa sozylǵan ota jasalǵan bolatyn. Odan keıin ekinshi ota ótken aptada jasaldy.
Eske sala keteıik, kúıeý balasy oq atqan oraldyqtyń jaǵdaıy aýyr ekendigin budan buryn jazǵan bolatynbyz. Ol áýeli enesin atyp óltirgen edi.
Qazirgi kezde eki aıǵa qamalǵan kúdiktige qatysty tergeý amaldary jalǵasýda.
