Oralda qutqarýshylar aǵash basynan sileýsindi túsirip aldy
ASTANA. QazAqparat - RF Serov qalasynda (Sverdlovsk oblysy) TJM qyzmetkerleri aǵash basyna órmelep shyqqan sileýsindi qutqarý boıynsha operatsııa júrgizdi.
Bul týraly 7 qarasha, dúısenbi kúni «Komsomolskaıa pravda Ekaterınbýrg» habarlady.
Sverdlovsk oblysy ІІM MM baspasóz qyzmetiniń aqparaty boıynsha, jyrtqysh ańdy aǵash basyna ıtter qýyp shyǵaryp jibergen. Jabaıy mysyq jer betinen 15-20 metr bıiktikke shyǵyp alǵan. Qutqarýshylar uıyqtatatyn dárisi bar oqpen atqan soń órt sóndirý mashınasyn taqaı qoıyp, baspaldaq arqyly sileýsindi jerge túsirip alǵan.
«360» telearnasy habarlaǵanyndaı, sileýsindi jergilikti veterınarııalyq klınıkaǵa jetkizgen, onda ony dárigerler qutyrý aýrýyna tekserip, sodan soń ormanǵa jiberedi.
