Oralda kúshti jel bes qabatty turǵyn úıdiń shatyryn julyp áketti

ORAL. QazAqparat - Oralda kúshti jel bes qabatty turǵyn úıdiń shatyryn julyp áketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 26 jeltoqsan kúni saǵat 00.05-te 4-shaǵynaýdan 30-úıde boldy.

Kúshti jel («Qazgıdromet» málimeti boıynsha ekpini sekýndyna 23 metrge jetken) bes qabatty úıdiń 240 sharshy metr shatyryn julyp túsirgen. Úıdiń jalpy aýdany - 1260 sharşy metr.

Zardap shekkender joq.

Qazirgi kezde jergilikti atqarýshy organnyń arnaıy komıssııasy jumys jasap jatyr.

Úı 1991 jyly salynǵan. 2016 jyly kúrdeli jóndeý júrgizilgen. PIK balansynda tirkelmegen.

Eske sala keteıik, budan buryn BQO-da boranǵa baılanysty respýblıkalyq jolda shekteý qoıylǵanyn jazǵan bolatynbyz.

Qazirgi kezde óńirde birneshe jol jabyq.