Oralda qurylys vagony órtendi
ORAL. QazAqparat - Oralda búgin qurylys vagony órtendi, dep habarlaıdy QazAqparat tilshisi.
BQO TJ departamentiniń baspasóz hatshysy Nurgúl Muqanovanyń aıtýynsha, Qurmanǵazy men S.Aqmurzın kósheleriniń qıylysynda qurylys vagonynyń ishki tysy órtenip jatqany jóninde saǵat 13.35-te habar túsken.
Oqıǵa ornynda 1 tehnıka men jeke quramnan 5 adam jumys jasady. 10 sharshy metrdi qamtyǵan órt 14.10-da sóndirildi.
Zardap shekkender joq.
«Qazirgi kezde vagonnyń ıesi, órttiń shyǵý sebebi, kináli adamdar men keltirilgen shyǵyn anyqtalýda», dedi N.Muqanova.
Aıta keteıik, vagon BQO ishki ister departamenti ǵımaraty mańynda ornalasqan.
Foto: mgorod.kz
