Oralda qurylys nysanynda tabylǵan sábıdiń jaǵdaıy qalypty
ORAL. QazAqparat - Oralda salynyp jatqan qurylys nysanynda tabylǵan sábıdiń jaǵdaıy qalypty. Bul týraly oblystyq kópbeıindi balalar aýrýhanasy dırektorynyń orynbasary Aleksandr Gehman málim etti, dep habarlaıdy «QazAqparat» tilshisi.
Onyń aıtýynsha, qazir balalar aýrýhanasynda jatqan er balanyń dúnıege kelgenine shamamen eki aptadaı ýaqyt bolǵan. Tolyq tekserýden ótkizilip, kútim jasalýda. Balanyń ata-anasy ázirge tabylǵan joq.
Eske sala keteıik, 26 maýsym kúni keshkisin 4-shaǵynaýdandaǵy № 24 orta mektep ǵımaraty janynda salynyp jatqan kottedjden sábı tabylǵan bolatyn. Sodan beri ony tastap ketken adamdy izdestirý jumystary júrgizilýde.
