Oralda qurylys nysanynan er adam qulap, kóz jumdy
ORAL. QazAqparat - 9 jeltoqsan kúni Oralda qurylys nysanynda oqys oqıǵa boldy, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, 1968 jylǵy er adam qaýipsizdiktiń saqtalmaýy saldarynan Zachagan kentinde salynyp jatqan nysannan qulaǵan. Marqum sol kúni saǵat 12.00-de oblystyq aýrýhananyń jansaqtaý bóliminde kóz jumdy.
Osyǵan baılanysty QR QK-niń 156-baby 3-bólimine sáıkes (eńbek qorǵaý erejesin buzý) qylmystyq is qozǵalyp, Abaı polıtsııa bólimi tergeý amaldaryn júrgizýde.
BQO boıynsha eńbek ınspektsııasy basqarmasynyń basshysy Azamat Aıtýevtiń aıtýynsha, óndiristik jazataıym oqıǵanyń oryn alǵany jóninde habarlama kelgen. Osyǵan baılanysty arnaıy komıssııa qurylyp, máseleniń mán-jaıy tolyq anyqtalatyn bolady.
