Oralda qubyr shahtasynan er adamnyń denesi tabyldy
ORAL. QazAqparat – Oral qalasynda qubyr shahtasynan er adamnyń denesi tabyldy, dep habarlaıdy QazAqparat tilshisi.
BQO polıtsııa departamentiniń resmı ókili Bolatbek Nurǵojınniń aıtýynsha, oqıǵa 11 aqpan kúni N. Nazarbaev dańǵyly, 235-úı mańynda bolǵan.
«Saǵat 10.16-da «Nan zaýyty» aıaldamasynyń artqy jaǵynda jylý qubyrynyń shahtasynan 1978 jylǵy er adamnyń múrdesi shyǵaryldy. Onyń denesinde zorlyq-zombylyq belgileri joq. Marqum sońǵy kezde qańǵybastyqqa salynǵan. Saraptama taǵaıyndaldy, nátıjesine sáıkes qaralady», - dedi QazAqparat tilshisine B. Nurǵojın.
Eske sala keteıik, budan buryn BQO-da oq jaraqatynan qaza tapqan turǵynnyń múrdesi tabylǵanyn jazǵan edik.
Sondaı-aq, BQO-da turǵyn izdestirilýde júrgen avtokólikti zańdastyrmaq bolǵan.
