Oralda qubyrdyń isten shyǵýyna baılanysty Zachagan kenti sýsyz qaldy

ORAL. KAZINFORM – Oral qalasynda Zachagan kentindegi Ázerbaıjan kóshesinde dıametri 400 mm sý qubyry isten shyqty.

«Batys sý arnasy» JShS-dan málim etkenindeı, osyǵan baılanysty 25 qyrkúıek kúni saǵat 19.30-dan bastap kentke salqyn sý berý toqtatyldy.

Turǵyndardyń sózine qaraǵanda, «Balaýsa» shaǵynaýdanynda salqyn sý eki kúnnen beri joq.

Áleýmettik jelide jarııalanǵan beınejazbada apat bolǵan jerde eshbir jumystyń júrgizilip jatpaǵany aıtylady.

Oral qalasy ákimdiginiń baspasóz qyzmetinen túsken málimetke qaraǵanda, qazirgi kezde Ázerbaıjan kóshesinde brıgada jumys istep jatyr. Sý 26 qyrkúıek kúngi saǵat 02.00-ge deıin berilýi qajet.

Eske sala keteıik, budan buryn Oralda sý qubyrynda taǵy da apat bolǵanyn jazǵan edik.