Oralda qubyrdaǵy apatqa baılanysty qalanyń ortalyq bóligi sýsyz qaldy

ORAL. KAZINFORM — Oral qalasynda Ǵ.Toqaı men S. Esqalıev kósheleriniń qıylysynda dıametri 150 mm sý qubyrynda apat boldy.

«Batys sý arnasy» JShS-dan málim etkenindeı, qazirgi kezde apatty joıý jumystary júrgizilip jatyr.

— Osyǵan baılanysty qalanyń ortalyq bóliginde salqyn sý berý toqtatyldy. Atap aıtqanda, Ǵ.Toqaı kóshesi 49, 49/1, 53, N.Nazarbaev dańǵyly 166/2, 166, 168, Q.Amanjolov kóshesi 40, 51, 54, 54/1, 49, N.Savıchev kóshesi 43/2, 43/1, 43-mekenjaılary sýdan ajyratyldy. Apattyq-qalpyna keltirý jumystary shamamen saǵat 11.00-den keshki 20.00-ge deıin sozylmaqshy, — dep habarlady vedomstvodan.

Sonymen qatar «Jaıyqjylýqýat» AQ-dan túsken málimetke qaraǵanda, aldaǵy jylytý maýsymyna daıyndyq aıasynda M.Yqsanov kóshesi 72/1-mekenjaıy tusynda dıametri 108 mm qubyrdyń 130 metrlik bóligi 18-28 tamyz aralyǵynda kúrdeli jóndeledi. Osyǵan oraı ystyq sý berý júıesinde ýaqytsha qolaısyzdyqtar týyndaýy yqtımal.

Eske sala keteıik, budan buryn Oralda jylý qubyrynyń jóndelýine baılanysty 11 mekeme ystyq sýdan ajyratylǵanyn jazǵan edik.