Oralda qubyrdaǵy apatqa baılanysty qalanyń eki bóliginde salqyn sý berý toqtatyldy

ORAL. KAZINFORM — Oral qalasynda Zachagan kentindegi Q.Jumalıev kóshesinde dıametri 160 mm sý qubyryndaǵy apatqa baılanysty jóndeý jumystary júrgizilip jatyr.

«Batys sý arnasy» JShS-dan málim etkenindeı, osyǵan baılanysty Q.Jumalıev, E.Brýsılovskıı, H.Dosmuhamedov, M.Jumabaev, Á.Bókeıhanov kósheleri, Á.Moldaǵulova atyndaǵy № 38 mektep-lıtseıi jáne «Sarytaý» shaǵynaýdany salqyn sýdan ajyratyldy. 

Sondaı-aq qalanyń ortalyq bóliginde ıAroslavskaıa kóshesi 12-mekenjaıynda apat boldy. 
Soǵan oraı Abaı dańǵyly 105, 107, 111, 113, 115, 117, 117/1, ıAroslavskaıa kóshesi 6, 8, 10, 12, A.Şýrıhın kóshesi 5-mekenjaılarynda salqyn sý bolmaıdy.

- Apatty qalpyna keltirý jumystary búgin saǵat 12.00-den bastaldy, - dep habarlady vedomstvodan. 

Turǵyndar ıAroslavskaıa kóshesinde osymen sý qubyrynda birneshe ret apat bolyp, jóndeý jumystarynyń ekinshi aptaǵa jalǵasyp jatqanyn jetkizdi. 

Eske sala keteıik, budan buryn Oralda jylý qubyrynyń jóndelýine baılanysty 11 mekeme ystyq sýdan ajyratylǵanyn jazǵan edik.