Oralda qubyrdaǵy apat saldarynan birneshe shaǵynaýdan salqyn sýsyz qaldy

ORAL. KAZINFORM — Oral qalasynda Zachagan kentinde birneshe shaǵynaýdanǵa salqyn sý berý toqtatyldy.

«Batys sý arnasy» JShS-dan málim etkenindeı, qazirgi kezde Jáńgir han kóshesi 51-mekenjaıynda dıametri 200 mm sý qubyryndaǵy aqaýdy joıý jumystary júrgizilip jatyr. 

Osyǵan baılanysty Jáńgir han kóshesi 43, 47, 45/1, 49, 50, 51 (Jáńgir han atyndaǵy Batys Qazaqstan agrarlyq-tehnıkalyq ýnıversıteti), 53, 55, 57, 59, 60, 61, 63, 63a mekenjaılary, sondaı-aq «Ǵalymdar aýyly», «Jaqsy aýyl» jáne SMP shaǵynaýdandary salqyn sýsyz qaldy.

- Sý qubyryndaǵy apatty 25 shilde kúni shamamen saǵat 22.00-ge deıin joıý kózdelýde, - dep habarlady vedomstvodan.

Eske sala keteıik, budan buryn Oral qalasynda 800-ge jýyq abonenttiń ystyq sýsyz qalǵanyn jazǵan edik.