Oralda qubyrda apat bolyp, úıler men saýda nysandary sýsyz qaldy

ORAL. KAZINFORM — Oral qalasynda Qurmanǵazy kóshesi 179/2-mekenjaıynda dıametri 300 mm sý qubyrynda apat boldy.

«Batys sý arnasy» JShS-nyń baspasóz qyzmetinen málim etkenindeı, osyǵan baılanysty 30 qazan kúngi saǵat 10.00-den bastap qalanyń ortalyq bóligine salqyn sý berý toqtatyldy.

Atap aıtqanda, Qurmanǵazy kóshesi 179, 179/2, 202, 204, 206, 208, 210, 210/1, Prıvokzalnaıa kóshesi 1, 3, 58/1, 58/2, 58/3, 58/4, Á.Moldaǵulova kóshesi 9, Ábýbákir Kerderi kóshesi 191, Chapaev alańy 1, 1/1 (temirjol vokzaly) mekenjaılary boıynsha kópqabatty turǵyn úılerde sý bolmaıdy.

- Sonymen qatar osy mańdaǵy saýda nysandary men jeke úılerge de sý berý qubyr apaty joıylǵanǵa deıin toqtatyldy. Ýaqytsha qolaısyzdyqtarǵa túsinistikpen qaraýyńyzdy suraımyz, - delingen resmı aqparatta.

Buǵan deıin Oralda M.Mámetova kóshesi 48-mekenjaıynda 26 qazan kúni dıametri 150 mm sý qubyrynda apat bolyp, birneshe kópqabatty turǵyn úı men balabaqsha sýsyz qalǵan edi.

Eske sala keteıik, budan buryn Oralda qubyrdyń isten shyǵýyna baılanysty Zachagan kenti sýsyz qalǵanyn jazǵan bolatynbyz.