Oralda qubyrda apat bolyp, oblystyq onkodıspanser sýsyz qaldy

ORAL. KAZINFORM — Oral qalasynda sý qubyryndaǵy apatty joıý jumystary júrgizilip jatyr.

«Batys sý arnasy» JShS-dan málim etkenindeı, Jambyl jáne P.Sadomskov kósheleriniń qıylysynda dıametri 600 mm sý qubyrynda apatty jaǵdaı boldy.

- Osyǵan baılanysty oblystyq onkologııalyq dıspanser, sot saraptamalary ortalyǵy, MIG Qazaqstan ıadrolyq medıtsına ortalyǵyna búgin saǵat 12.00-den bastap salqyn sý berý toqtatyldy. Sondaı-aq P.Sadomskov, Jambyl, B.Muhambetov, Terekti, Aqmola, Jańaqala kóshelerinde ornalasqan jeke úılerde sý bolmaıdy. Apatty shamamen saǵat 20.00-ge deıin joıý kózdelip otyr, - dep habarlady vedomstvodan.

Eske sala keteıik, budan buryn Oralda qubyr jarylyp, qalanyń bir bóligi sýsyz qalǵanyn jazǵan bolatynbyz.