11:40, 24 Qańtar 2024 | GMT +6
Oralda qubyr jarylyp, kósheni sý basty
ORAL. KAZINFORM – Oral qalasynda qubyr jarylyp, kósheni sý basty.
«Batys sý arnasy» JShS-nyń baspasóz qyzmetinen málim etkendeı, apat M.Yqsanov kóshesinde bolyp, dıametri 400 mm qubyr jaryldy.
«Qazirgi kezde oqıǵa ornynda brıgadalar jumys jasap jatyr. Apatqa baılanysty Ábýbákir Kerderi kóshesi boıyndaǵy kópqabatty 127/1, 127, 125/1, 125, 121, 104, 106/1, 112, 120, 127, Saraıshyq kóshesi 79/1, L.Tolstoı kóshesi 72, 91, Muhıt kóshesi 67/1 jáne 57/1-úı, sondaı-aq osy mańdaǵy jeke úıler sýsyz qaldy» dep habarlady vedomstvodan.
Turǵyndar atalmysh kósheni sý basqanyn habarlap, foto men beınejazbalardy jiberip jatyr.
Oqıǵanyń jaı-japsary anyqtalý ústinde.
