Oralda qubyr jarylyp, qalanyń bir bóligi sýsyz qaldy
ORAL. KAZINFORM – Oral qalasynda Zachagan kentinde sý qubyry jaryldy.
«Batys sý arnasy» JShS-dan málim etkenindeı, oqıǵa 29 qarasha kúni saǵat 19.27-de boldy.
«Jańadan salynyp jatqan meshit aýdanynda dıametri 225 mm qubyr jarylǵan. Sonyń saldarynan Murat Móńkeuly kóshesindegi kópqabatty úıler, «Arman», «Sarytaý», «Kóktem», «Jaqsy aýyl», «Ǵalymdar aýyly» shaǵynaýdandary sýsyz qaldy. Tekserý barysynda órt gıdrantynan aqaý shyqqany anyqtaldy. Jóndeý-qalpyna keltirý jumystaryna «Batys sý arnasy» JShS-dan 4 adam, 2 tehnıka jumyldyryldy. Jumysty shamamen saǵat 24.00-ge deıin bitirý kózdelip otyr», - dep habarlady vedomstvodan.
Áleýmettik jelide taralǵan beınejazbada sýdyń shapshyp jatqany anyq kórinedi.
Eske sala keteıik, budan buryn aǵashtardyń orynsyz kesiletini jóninde oraldyq ekologtyń kógaldandyrý máselesin kótergenin jazǵan bolatynbyz.