Oralda qubyr aýystyrýǵa baılanysty 200-den astam abonent ystyq sýsyz qaldy

ORAL. KAZINFORM – Oral qalasynda aldaǵy jylytý maýsymyna daıyndyq barysynda jylý jáne ystyq sý qubyrlaryn jańartý jumystary júrgizilip jatyr.

«Jaıyqjylýqýat» AQ bas dırektorynyń mindetin atqarýshy Bekbolat Qameshovtiń málim etkenindeı, bekitilgen jyldyq josparǵa sáıkes 5-shaǵynaýdanda 4-ortalyq jylytý pýnktinde 9-ynshy jáne 10-jylý kamerasy aralyǵynda dıametri 133 mm jylý júıesi, dıametri 108 mm jáne 76 mm ystyq sý qubyry aýystyrylady.

Onyń sózine qaraǵanda, mundaǵy qubyrdyń jalpy uzyndyǵy – 55 metr.

- Osyǵan baılanysty 2025 jylǵy 8 shildeden 18 shildege deıin 5-shaǵynaýdanyndaǵy 3, 4, 5-úılerge ystyq sý berý ýaqytsha toqtatyldy. Bul shekteý 208 abonentke qatysty, - dedi B.Qameshov.

Mekeme basshysynyń aıtýynsha, qala boıynsha kásiporyn qarjysy esebinen 330,8 mln teńgege uzyndyǵy 5,5 kılometr qubyr aýystyrylmaqshy.

Eske sala keteıik, budan buryn Oral qalasynda jylý qubyrlary jóndele bastaǵanyn jazǵan edik.