Oralda kishkentaı qyz ekinshi qabattan qulap ketti

ORAL. KAZINFORM — Oral qalasynda ekinshi qabattan qulap ketken kishkentaı qyz aýrýhanaǵa jatqyzyldy.

BQO tótenshe jaǵdaılar departamentiniń baspasóz qyzmetinen málim etkendeı, oqıǵa búgin qaladaǵy bes qabatty úılerdiń birinde boldy.

«Eresekterdiń qaraýynsyz qalǵan aldaǵy aıda eki jasqa tolatyn qyz bala ekinshi qabattyń terezesinen qulap ketken. Qazir ol aýrýhanada jatyr. Oqıǵanyń mán-jaıy anyqtalý ústinde. BQO TJ departamenti kishkentaı balalardy baqylaýsyz qaldyrmaý kerektigin eske salady», dep habarlady vedomstvodan.

BQO densaýlyq saqtaý basqarmasy baspasóz qyzmetiniń naqtylaýynsha, 103 operatoryna shaqyrtý Ý.Gromov kóshesi boıyndaǵy kópqabatty úıden túsken.

Oqıǵa ornyna jetken jedel járdem brıgadasy 2022 jylǵy qyzdy oblystyq kópbeıindi balalar aýrýhanasyna jetkizdi. Qazirgi ýaqytta onyń jaǵdaıy ortasha aýyr. 

Neırohırýrgııa bólimshesine jatqyzylǵan qyz qajetti emin alýda.

Eske sala keteıik, budan buryn Batys Qazaqstan oblysynda 9 balanyń terezeden qulap ketkenin jazǵan bolatynbyz.

Sonyń 8-i Oral qalasynda, bireýi Syrym aýdanynda tirkelgen edi.