Oralda qospáterlik turǵyn úı otqa orandy
ORAL. QazAqparat - Oralda qospáterlik turǵyn úı otqa orandy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe keshkisin Aqtóbe kóshesi, 121-úıde oryn aldy.
Saǵat 20.25-te turǵyn úıdiń órtenip jatqany jóninde habar túsken.
Órttiń aýmaǵy 190 sharshy metrdi qamtydy.
«Tilsiz jaýdy» aýyzdyqtaýǵa 10 adam, 4 tehnıka jumyldyryldy.
Órt saǵat 21.49-da sóndirildi. Zardap shekkender joq.
Qazirgi kezde órttiń shyǵý sebebi, keltirilgen shyǵyn anyqtalý ústinde.
Aıta keteıik, jyl basynan beri osyǵan deıin oblys aýmaǵynda 160 órt tirkeldi. Sonyń saldarynan 3 adam qaza tapty. Osy órtterdiń 106-sy nemese 67 paıyzy turǵyn úılerde oryn aldy.
