Oralda qospáterli turǵyn úı órtenip ketti
ORAL. QazAqparat - Oralda qospáterli turǵyn úı órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 29 shilde kúni saǵat 12.30-da «Zachagan» baý-baqsha seriktestiginde oryn alǵan.
Órt aýmaǵy 200 sharshy metrdi qamtydy. 33/1-ýchaskesindegi páterdiń (120 sharshy metr) jıhaz, jeke zattary, turmystyq tehnıka, qabyrǵa, jaqtaýlary, tóbesi otqa orandy. 33-ýchaskede (80 sharshy metr) tóbesi, ishinara páteraralyq qabyrǵa-jaqtaýlary jandy.
Tilsiz jaýdy aýyzdyqtaýǵa 13 adam, 4 tehnıka jumyldyryldy.
Órt 13.45-te oqshaýlanyp, 14.35-te sóndirildi.
Órt saldarynan qart kisileri men kishkentaı balalary bar otbasy baspanasyz qaldy.
