Oralda qospáterli turǵyn úı órtenip, 10 jasar bala gazdan ýlandy
ORAL. QazAqparat - Oralda qospáterli turǵyn úı órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe saǵat 13.51-de Zachagan kenti «Sarytaý» shaǵynaýdanynda oryn aldy. Kúltegin kóshesi, 42 mekenjaıynda ornalasqan qospáterli úıdiń tóbesi men jaqtaýlary otqa orandy.
Órt aýmaǵy 240 sharshy metrdi qamtydy. Úsh birdeı órt sóndirý bóliminen 12 adam, 3 tehnıka «tilsiz jaýdy» aýyzdyqtaýǵa jumyldyryldy. Órt ornynan orta dárejeli gazben ýlanǵan degen dıagnoz qoıylǵan 2009 jylǵy bala aýrýhanaǵa jatqyzyldy.
Turǵyndardyń sózine qaraǵanda, órt saldarynan qos birdeı otbasy dalada qalǵan. Onyń biriniń bes kishkentaı balasy bar.
Eske sala keteıik, budan buryn Oralda qos birdeı jol-kólik oqıǵasynan eki adam zardap shekken bolatyn.
