Oralda kóshede qaraýsyz júrgen eki búldirshin tabyldy
ORAL. QazAqparat - Oralda kóshede qaraýsyz júrgen eki bala tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa búgin saǵat 10.00 shamasynda N.Savıchev pen 8 naýryz kósheleriniń qıylysynda oryn alǵan. Eresekterdiń qaraýynsyz jol shetinde oınap júrgen balalar jóninde turǵyndar polıtsııaǵa habarlaǵan.
Polıtsııa qyzmetkerleri balalardy Abaı polıtsııa bólimine alyp keldi. Alaıda, búldirshinder sóılemeıdi, olardyń qaıda turatynyn bilý múmkin emes. Bireýiniń qolynda úıdiń kilti júr.
«Qazirgi kezde balalardyń ata-anasy izdestirilip jatyr. Kezekshi top balalar tabylǵan aýmaqqa jiberildi. Olar sol mańdaǵy úılerdi aralap, surastyrady. 102 telefonynda otyratyn operatorlarǵa da eskertildi. Balalarǵa jedel járdem shaqyrtyldy. Dárigerler qaraǵannan keıin olardy tamaqtandyryp, kútý úshin ýaqytsha balalar úıiniń birine jiberiledi», dep habarlady QazAqparat tilshisine departamenttiń baspasóz qyzmetinen.
Eske sala keteıik, budan buryn Oralda esin joǵaltyp alǵan jasóspirim tabylǵan bolatyn.
