Oralda kóshede qaraýsyz júrgen eki búldirshin aýrýhanaǵa jatqyzyldy
ORAL. QazAqparat - Oralda kóshede tabylǵan qos búldirshin oblystyq balalar aýrýhanasyna jetkizildi, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, balalardy dáriger tekserdi.
Ekeýiniń de qyzýy joǵarylaǵan, jóteledi. Aldyn ala málimet boıynsha jiti bronhıt dıagnozy qoıylǵan.
Oblystyq polıtsııa departamenti baspasóz qyzmetiniń naqtylaýynsha, joǵalǵan kezde balalardyń ata-anasy úıde bolmaǵan. Olardy qaraýdy anasynyń inisi men sińlisine tapsyryp ketken. Keıin búldirshinderdiń ákesi polıtsııa bólimine keldi.
Eske sala keteıik, budan buryn Oralda esin joǵaltyp alǵan jasóspirimniń jáne kóshede qaraýsyz júrgen eki búldirshinniń tabylǵanyn jazǵan bolatynbyz.
