Oralda qos kólik soqtyǵysyp, eki adam jaraqat aldy
ORAL. QazAqparat - Oral qalasynda búgin qos kólik soqtyǵysyp, eki adam jaraqat aldy, dep habarlaıdy QazAqparat tilshisi.
Jol-kólik oqıǵasy túske taman Eýrazııa dańǵyly boıynda Ekinshi baza aıaldamasy mańynda oryn aldy. «Folksvagen Passat» pen «Aýdı» avtokólikteri soqtyǵysqan.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa ornyna jedel járdem saǵat 12.48-de shaqyryldy. Jedel járdem kóligi 12.54-te jetken. Basynan jaraqat alǵan 1971 jylǵy áıel men 2000 jylǵy qyz oblystyq aýrýhanaǵa jetkizildi.
Qazirgi kezde oqıǵanyń jaı-japsary anyqtalyp jatyr.
