Oralda qos birdeı saıabaq abattandyrylmaq
ORAL. QazAqparat - Oral qalasynda 166 mln. teńgege qos birdeı saıabaq abattandyrylmaq, dep habarlaıdy «QazAqparat» HAA tilshisi.
Oral qalasy ákiminiń baspasóz qyzmetinen túsken málimetke qaraǵanda, bıyl 4-inshi jáne 6-shaǵynaýdandar aralyǵyndaǵy jaıaý adamdar júretin býlvardy abattandyrýǵa 113 mln. teńge bólinip otyr. Sondaı-aq oblystyq aýrýhana mańynda A.Pýshkın músini turǵan shaǵyn saıabaqty retke keltirýge 53 mln. teńge qaralǵan. Osy qarjyǵa shaǵyn músinder qoıylyp, jaryqtandyrý jumystary júrgizilmek, sondaı-aq jaıaý júrginshiler joldaryna órnektastar tóseledi.
Aıta keteıik, qalada barlyǵy 54 saıabaq (skver) pen alańdar bar bolsa, sonyń 31-i abattandyrylǵan. 1833 jyly Oralda úsh kún aıaldaǵan orystyń uly aqyny Aleksandr Pýshkınge atalǵan músinnen basqa Pýgachev alańynda eńseli eskertkish ornatylǵan.
