Oralda qos birdeı naýqas balaǵa kómek kórsetildi
ORAL. QazAqparat - Bıyl oblysta qolǵa alynǵan «Meıirimdi kóktem» qaıyrymdylyq sharasy aıasynda qos birdeı naýqas balaǵa kómek kórsetildi, dep habarlaıdy «QazAqparat» tilshisi.
«Jas Otan» jastar qanaty BQO fılıalynyń tóraǵasy Nurǵalı Joldasqalıevtiń aıtýynsha, «Nur Otan» oblystyq fılıalynyń ǵımaratynda osyǵan oraı qaıyrymdylyq kontserti qoıyldy. Oǵan óńirdiń jas ónerpazdary Erbol Aqbasov, Medet Orazov, Aqylbek Bektasov, Danııar Rahmetjanov, Altynbek Qanatqalıev, «Batys» bı toby, «Batysstar» toby jáne elimizge tanymal estrada juldyzdary «Zaman» toby qatysyp, óz ónerlerin kórsetti.
Qaıyrymdylyq keshten túsken 357580 teńge Baqtııar Baıbaldıev pen Marat Qasymovtyń em-domyna jumsaý úshin teń bólinip, ata-analaryna tabystaldy.
Mundaı sharalar aldaǵy ýaqytta da jalǵaspaqshy.
