Oralda qos avtokólik túıisip, aıyp turaǵyna qoıyldy
ORAL. QazAqparat - Oralda búgin tańsáride qos avtokólik túıisip qaldy, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen alynǵan málimetke qaraǵanda, shamamen 06.35-te «Toıota Land Krýzer Prado» avtokóliginiń júrgizýshisi Dostyq dańǵylymen kele jatyp, Eýrazııa dańǵylynyń qıylysynda baǵdarshamnyń tyıym salynǵan belgisine qaramastan, «Folksvagen Passat» avtokóligimen soqtyǵysýǵa jol bergen. Sóıtip djıp kóligi aryqqa túsip ketken.
Sonyń saldarynan avtokólik ıelerine eleýli túrde shyǵyn keltirilgen.
Kólik quraldary aıyp turaǵyna qoıyldy.
«Toıota Land Krýzer Prado» avtokóliginiń júrgizýshisine qatysty QR Ákimshilik quqyqbuzýshylyq kodeksi 610-baby 1-bóligi jáne 612-baby 1-bóligine qatysty ákimshilik is qozǵaldy.
