Oralda qos avtokólik soqtyǵysyp, júrgizýshi áıel men bala aýrýhanaǵa jetkizildi
ORAL. QazAqparat – Oralda qos avtokólik soqtyǵysyp, júrgizýshi áıel men bala aýrýhanaǵa jetkizildi, dep habarlaıdy QazAqparat tilshisi.
Batys Qazaqstan oblystyq polıtsııa departamentiniń baspasóz qyzmetinen túsken málimetke qaraǵanda, jol-kólik oqıǵasy búgin saǵat 07.25 shamasynda Ábilqaıyr han men Gastello kóshesiniń qıylysynda oryn aldy.
«KIA» avtokóliginiń júrgizýshisi jol bermeı, «Toyota Camry» avtokóligimen soqtyǵysqan.
Sonyń saldarynan «KIA» avtokóliginiń júrgizýshisi, 1985 jylǵy áıel men sonda otyrǵan 7 jastaǵy bala jaraqat aldy.
Avtokólikter arnaıy turaqqa qoıyldy.
Qazirgi kezde oqıǵanyń jaı-japsary anyqtalý ústinde.
Oblystyq densaýlyq saqtaý basqarmasynyń aldyn ala málimetine qaraǵanda, zardap shekkenderdiń ekeýi de jabyq bas-mı jaraqatyn alǵan.
Oblystyq densaýlyq saqtaý basqarmasynyń naqtylaýynsha, bala oblystyq kópbeıindi balalar aýrýhanasynyń jansaqtaý bólimine jatqyzyldy.
Kýágerlerdiń aıtýynsha, jol apaty saldarynan «Toyota Camry» kóligi tóńkerilip qaldy. Osy mańda jol keptelisi de boldy.
