Oralda qos avtokólik soqtyǵysyp, bireýi órtenip ketti
ORAL. QazAqparat – Oralda qos avtokólik soqtyǵysyp, bireýi órtenip ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 15 qyrkúıek kúni saǵat 18.56-da Zachagan kentinde boldy.
Oral-Saratov joly boıynda «Aýdı-100» men «Nissan X-trail» avtokólikteri soqtyǵysqan.
Sonyń saldarynan «Aýdı-100» avtokóliginiń salony men motor bóligi otqa orandy.
Oqıǵa ornyna 6 adam, 1 tehnıka baryp, órt saǵat 19.19-da sóndirildi.
Qazirgi kezde oqıǵanyń jaı-japsary anyqtalyp jatyr.
Eske sala keteıik, budan buryn BQO-da turǵyn úıde órt bolyp, bir adamnyń qaza tapqanyn jazǵan bolatynbyz.
