Oralda qos avtokólik soqtyǵysyp, bir adam kóz jumdy
ORAL. QazAqparat - Oralda qos avtokólik soqtyǵysyp, bir adam kóz jumdy, dep habarlaıdy QazAqparat tilshisi.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń aıtýynsha, oqıǵa búgin túnde Syrym Datuly men ıÝ.Gagarın kósheleriniń qıylysynda boldy.
Jedel járdem saǵat 03.08-de shaqyrylyp, brıgada alty mınýttan keıin jetti.
Shamamen 50 jastaǵy er adam jedel járdem kelgenge deıin qaza tapty.
Aldyn ala málimet boıynsha 1979 jylǵy er adam jabyq bas-mı jaraqatyn alyp, mıy shaıqalǵan. Oǵan qosa denesi kógergen. Ol oblystyq kópbeıindi aýrýhanaǵa jetkizildi.
Oblystyq polıtsııa departamentiniń baspasóz qyzmeti oqıǵany rastap, aqparattyń keıin beriletinin málim etti.
Aıta keteıik, oblysta qazan aıy bastalǵannan bergi eki aptada buǵan deıin 21 jol-kólik oqıǵasy saldarynan 14 adam mert bolyp, 17-si túrli jaraqat alǵan edi.
